يا ناس انا وشلي وشل الملاقيـف=اللي خذوا سـب المقفـي بضاعـه
ناس تلوك الحكي وتـروج الزيـف=وكل حسب عقله يسـوق اقتناعـه
والله لو انها تجيلي علـى الكيـف=وادري من اللي مستتر في قناعـه
لا اجعل منه عبره لمن يقرب الحيف=حتى يتوب امـن الخطـا واتباعـه
بس الضعّيف عايشن دايم ضعيـف=همز ولمـزن وانحطـاط ودناعـه
ما يدري اني عاشـق للمشاريـف=واني عنه متشطرن فـي الرفاعـه
ما نلحق انفسنا بسوقـه تحاسيـف=وعن سوقه ومثله يا زين الوساعه
مانيب من يشهر على مثله السيـف=عارن على امشي معه في طباعـه
اخشى من الميلات وإلا المحاريـف=او نقـد نقـادن يحـط انطبـاعـه
اسمي صريح ولا تسميت بحنيـف=من شـان ادور للخطـا واللكاعـه
انا الجبيري لابتي تقـري الضيـف=كسب الجمايل للجبيـري طماعـه