ولا يا حلوم الليل ردي علي الليل = راح الليل وانتي يا حلومه بقيتي لي
بنينا قصور ِ شامخه تحت ضو سهيل = ونور الفجر علمني انه حلم ليلي
غرسنا الرجاوي والامل في منابت سيل = وبعد سال شل عروقها والمحاصيلي
يطول الزمن وإلا قصر وشهو التحصيل = ما دامك تعيش احلام وهم المساطيلي
إذا ما حسبت احسابها او مثل ما قيل = تريح إذا ما به زهاب ومراحيلي
ونفسن مع الاحلام عاشت على التطبيل = ما ضني تميز وش عدلها من الميلي
منابع مياه النيل ما اغنت رجال النيل = من الفقر دايم يشحذون ومذاليلي
عسى دلةٍ ما كيفها زعفران وهيل = ما تذكر مع اهل الكيف واهل المعاميلي
لا غطا جهام الليل لا تطفي القنديل = شب النار ونحـــر دلتك للمشــاكيلي
ودن النجر يا عل صوته صداه يزيل =همــومن بصدري شفت منها الغرابيلي
ولاعب دنينه يجذب اللي هواه يميل =على الكيف والفنجال وليل التعــاليلي
رجالن تجمع ما تجمع لقال وقيل =تنقى الكلام امثيل نقــــو الشماليلي
وفي ختامها صلاة ربي على جبريل = وعلى الانبياء والرسل من غير تأويلي
وعلى خير من كمل لنا ديننا تكميل =صلى الله عليه إعداد وبل المخاييلي