يا المدمن اللي بعت عمرك للادمان = يامدعي الفله ونفسك جريحة
في ظنك الفله حبوب ودخان = وصحبة مروجت الخنا والفظيحة
مجالسٍ تجمع سكرجي وشيطان = كل المناكر وسطها مستبيحة
قلي بربك وش بقا فيك يا فلان = تقوم من طيحة وترجع لطيحة
كفاك ما مرك تراك انت خسران = وكلٍ عرف وجهك بشكله وريحة
عاين بشكلك في المرايه على شان = تنبيك صورة صاحبك عن ظريحة
يا المدمن انته نايمن قدلك ازمان = اصحى ما دام النفس فيها فسيحة
عود على ربك وذق طعم الإمان = ريح عنا نفسك تراها نصيحة
اكيد لك ام (ن) وزوجه وبزران = وابون مريض ما يوقف كحيحة
الحق وفرحهم بعودتك ندمان = امن المعاصي والحياة الضحيحه
ارجع وظم العائله وسط الاحضان = وابكي على الماضي بدمعه صريحه
خل النواصي تسجد للرب الاكوان = واستغفر لذنبك عسى الله يبيحة
وتذكر ان قدمك قبر قبله اكفان = اما شقا وإلا حياة مريحه