يا ساحر الشعر يا دكتور قيفانه = يا عالم الشعر يا بحره ويا غبه
ملكت صك القصيد وصك بيبانه = فرايده عن جميع الناس محتجبه
تقول كان ابن جدلانن بدا شانه = جيته ملبي دعى محبوب لمن حبه
وان كان غيره دعاني قلت ذا عانه = سعد ومن غير سعد يسرق اللبه
تقول شرد القصايد صغير ورعانه = لا اومالها درهمت يمه وهي طربه
سعد جذور القصيد ومزهر اغصانه = شرد البيوت النوادر دايم اتربه
كلٍ لصوته تغنى وجاوب الحانه = وكلن لجل سمعته يقول ابي قربه
تساوت شفوف خلق الله على شانه = صار المثل قال ابن جدلان واكتب به
تقول حاكم تمشى وسط سلطانه = وفي ذا الزمن مثله امه ما بعد جتبه
سلام مني سلام محب لخوانه = اكبودهم من الغلا والشوق مشتبه
سلامن يفوح يشمومه وريحانه = لك يا الزعيم ومثل شرواك نفخربه
قول الجبيري وكل لسانه حصانه = وفي مختصر سعد ابن جدلان آنبه