غطيت في نومي وجاني منبه=فزيت منه وخاطري به تشافيق
نفحه نسيم ذكرتني الاحبه=هبت نسايمها مزونن مدافيق
لها وعد في كل ليله تربه=افيق منها امرار وامرار ما آفيق
سبت وليف زرع قلبي لعبه=لعب الصبايا لابسات العشاريق
عايش على طاريه في كل نبه=ما شفت مثله بين كل المخاليق
قالوا تحبه قلت مانيب احبه=وانا بلايه مونسه بالمعاليق
آجا وسلمى اشتكت للأحبه=وانارفعت الصوت ياطويق ياطويق
ماشفت ورع نازح عن مربه=وإلا ذكر مرك بوقت التشاريق
يا طويق لا شفته فساله بربه=بعد ما تشرح حالتي له بتدقيق
وقله يعود والمعاند يكبه=وقله ترا ني بعد فرقاه ما اطيق
ياطويق اعرف إنه بلايه وطبه=يا طويق اعرفه ما يخون المواثيق
ياطويق هذا واهج الشوق شبه=حتى جعل قلبي شروخ وطواريق
قله يعجل لا يطول مغبه=له صاحبن من راح بالهم والضيق
وإن مارجع واسقى عروق المحبه=فاعلن عزايه فوق روس الشواهيق