يا زين سج القدم في ساعـه الغبشـه=في روضٍ اخظر ولا حي بعـد ناشـه
تسعه وثلاثين ليـل مـا فهـق رشـه=ديمه ولا به هبـوب تفـرق ارشاشـه
حتى اشتبك عشبها كنه زعـل فرشـه=ريح النفـل والخزامـا فيـه دواشـه
معك رجالٍ علـى الطلعـات منبرشـه=روسهم على طلعت البـران منداشـه
باشات قومن بذكـر الطيـب مرتشـه=الرجل في لازمه يسـوا ميـه باشـه
امسخر النفس وايضا مسخـر قرشـه=والبر سلـوة فـؤاده مـع تنعواشـه
اخطاهم الاش وإلا الصاحـب البلشـه=واصحاب وقت الرخا في العسر بواشه
نسجهـا فـي رياضـن كنهـا نقشـه=تقول اب اليمن لا جات فـي الشاشـه
لو كنت مهموم وإلا النفـس منكمشـه=ارقا نبا الارض شوفك ما حـدٍ حاشـه
روّق وهوّد تشـوف النفـس منفشـه=من كل ضيق وهموم ونـاس غشاشـه
تلقا عطايا الولي في الروض منطشـه=اعتاضت الروض عقب الشبك واحواشه
تمش فيها وشـوف المصغـر الهشـه=احلـب لبنهـا ونـاد الربـع تنتاشـه
ولامااسفرت فخذ من سمر الحطب جشه=وشـب المنـاره وراك ادلال غواشـه
ولاحي بنجرك طويرن صاح في عشـه=يصيـح لـمٍّ مـن الصيـاد منحاشـه
يجونك الربـع كـل رابطـن عفشـه=وكلن يعد ما لقا في وقـت مطراشـه
هذي حيات خذت مـن قلبـي المشـه=وعلى ذكرها عروق القلـب معتاشـه
تنسيك ورعك ودار اللي كحـل رمشـه=وتنسيك ارض البلد واللي بعد عاشـه
تسوا حياتن بوسـط المـدن مهتبشـه=وتسوا رصيد البنوك شيكاتـه وكاشـه