لله انا ياخوك مانيب ملقوف =ولا قصيت الناس قاصي وداني
اعامل العالم بحكمه ومعروف =واقدر ظروف العرب في زماني
قلبي كتاب يابن الاجواد مكشوف =بالصدق يوفي والله المستاعاني
وقلب تمثناء يالاخو داخل الجوف =صادق شعور ولا معه واجه ثاني
ولا صار وجه الحق ماهو مألوف =غيرت من بعض الاماكن مكاني
صحيح جاني من عناء وقتي صدوف=يشيب راس الطفل من شي جاني
ارقاء بنفس تكره الذل وتعوف =ولا هيب ترضى يالاخو بالطماني
اصطى براس ماسكن قلبه الخوف =ولا التفت في وجه من لا دعاني
والرابعه دايم ورى مدت الشوف =وقريحتي تبدع جزل المعاني
أنا أحمد الله ماعلى راسي سيوف =والعشر عندي ماتعود ثماني ;