السلام عليكم ورحمة الله وبركاته
صباحكم /مسائكم نور وسرور
قصيدة لي جديدة واتمنى ان تكون واضحة لمن يقراها
,,,, اتمنى ان تنال اعجابكم وتحوز على رضاكم ,,,,
لا فتحتك يالماسنجر بعد طول الغياب
كـنني ألقـي بنـفـسي لـدرب التهـلكه
ليتني فالنت جاهل ولا لي به حساب
و ليتني ضيعة رقـمه و لا عـاد أدركه
حال بيني وبين نور القمر ركم السحاب
و أظلمت دنياي و القلب همّه يهتكه
آخر الدنيا ينبح الذيب و تعوي الكلاب
والحرار الشقر عند الردي وسط شبكه
أحدن من فوق خشمه البرّي يذاب
وأحدن من فوق خشمه يحطون ودكه
لاذكرت اللي مضى أمطرعلي مزن العذاب
و أتضايق حيل و كفي بكفي أفركه
و كلما سكّرت للهم باب ينفك باب
لين صار القلب للهم والأحزان مملكه
كل نفسن تؤمن ان الفراق من الصعاب
وأعتقد ما فيه نفسن بهذي مشركه
ولاذكرت اللي من فراقه رمش العين شاب
كن مـوقد جـمر السّمـر بيدي أمسكه
من بعـدها كن للحـزن في قلبي هضاب
و كل يـوم للهـم و الحـزن فيـني معـركه
و كل يـوم يجدّد البعد في قلبي صواب
آه ياقلب ابن دايس ياكثر مافيك شركه
كلما شيّب غلاها ياعرب عوّد شباب
حبها دايم و مستحيل الليالي تنهكه
ياغناتي ياهوى البال لك مني جواب
و الله ان وقـتي بليـّّاك مـا فيه بـركه
لابغيت أضحك من القلب يازين الجناب
ما لقى الضحك للقلب دربن يسـلكه
كيف بالله بعدك أعيش مع طرد السراب
ما تعيش يا بنت في قفرة البيد سمكه
الشاعر/الهواوي
دايس بن سليمان القحطاني
Wed-Jul-2010, 09:14 AM
عذاب الماسنجر
العرض العادي
